మూడు డిఫరెంట్ లుక్స్ తో చైతూ!

నాగచైతన్య కథానాయకుడిగా విక్రమ్ కుమార్ దర్శకత్వంలో 'థ్యాంక్యూ' సినిమా రూపొందుతోంది. దిల్ రాజు నిర్మిస్తున్న ఈ సినిమా, ఇప్పటికే చాలావరకూ చిత్రీకరణను జరుపుకుంది. ఆ మధ్య ఇటలీ వెళ్లి కొన్ని కీలకమైన సన్నివేశాలతో పాటు పాటలను కూడా చిత్రీకరించుకుని వచ్చారు. అక్కడి అవుట్ పుట్ చాలా బాగా వచ్చిందని కూడా చెప్పారు.

ఈ సినిమాలో చైతూ జోడీగా రాశి ఖన్నా నటిస్తోంది. ఆమె పాత్రకి ప్రాధాన్యత ఉందని అంటున్నారు. ఇక ఈ సినిమాలో చైతూ మూడు డిఫరెంట్ లుక్స్ తో కనిపించనున్నట్టు చెబుతున్నారు. అంటే వయసు పరంగా ఆయన మూడు దశలలో కనిపిస్తాడని చెబుతున్నారు. గతంలో ఈ తరహా పాత్రలను ఆయన 'ప్రేమమ్' సినిమాలో పోషించాడు.

మరి ఆ పాత్రలకు .. ఈ పాత్రలకు మధ్య వైవిధ్యం ఏమిటనేది తెలియాల్సి ఉంది. వచ్చే ఏడాదిలో ఈ సినిమాను విడుదల చేయనున్నారు. ఇక చైతూ తాజా చిత్రంగా త్వరలో 'లవ్ స్టోరీ' ప్రేక్షకుల ముందుకు రానుంది. రీసెంట్ గా 'బంగార్రాజు' సినిమా షూటింగులోను ఆయన జాయినైన సంగతి తెలిసిందే.