సినిమా కబుర్లు.. సంక్షిప్త సమాచారం

*  శేఖర్ కమ్ముల దర్శకత్వంలో నాగ చైతన్య, సాయిపల్లవి జంటగా రూపొందుతున్న 'లవ్ స్టోరీ' సినిమాలోని 'సారంగ ధరియా' పాట పెద్ద హిట్టయిన సంగతి విదితమే. మంగ్లీ పాడిన ఈ పాట యూ ట్యూబ్ లో ఇప్పటికే 93 మిలియన్లకు పైగా వ్యూస్ ను పొందింది. ఇక ఈ పాట తాజాగా మరో ప్రత్యేకతను కూడా సంతరించుకుంది. యూట్యూబ్ లో తక్కువ కాలంలో 1 మిలియన్ లైక్స్ ను ఇది పొందింది.
*  మలయాళంలో వచ్చిన 'దృశ్యం 2' చిత్రాన్ని జీతూ జోసెఫ్ దర్శకత్వంలోనే తెలుగులో రీమేక్ చేస్తున్నారు. వెంకటేశ్ హీరోగా నటిస్తున్న ఈ చిత్రానికి సంబంధించిన రెండో షెడ్యూలు షూటింగు నిన్నటి నుంచి కేరళలో జరుగుతోంది. వెంకటేశ్, మీనా తదితరులు షూటింగులో పాల్గొంటున్నారు.
*  ఆమధ్య గౌతమ్ తిన్ననూరి దర్శకత్వంలో నాని హీరోగా వచ్చిన 'జెర్సీ' చిత్రం మంచి హిట్టయింది. జాతీయ అవార్డు కూడా పొందింది. ఈ నేపథ్యంలో వీరిద్దరి కలయికలో మరో సినిమా రూపొందనుంది. దీపావళి నుంచి ఈ చిత్రం సెట్స్ కి వెళుతుందట.
*  విశాల్ హీరోగా ఆనంద్ శంకర్ దర్శకత్వంలో 'ఎనిమీ' పేరిట ఓ చిత్రం రూపొందుతోంది. ఈ చిత్రం షూటింగ్ ఇటీవల నెల రోజుల పాటు దుబాయ్ లో జరిగింది. త్వరలోనే రెండో షెడ్యూలు చెన్నైలో మొదలవుతుంది. ఇందులో ఆర్య మరో కీలక పాత్రను పోషిస్తున్నాడు.