Junior NTR: ఎన్టీఆర్, త్రివిక్రమ్ సినిమా అప్ డేట్!
- ముగింపు దశకు చేరిన 'ఆర్ఆర్ఆర్'
- తదుపరి త్రివిక్రమ్ తో ఎన్టీఆర్ సినిమా
- జోరుగా సాగుతున్న ప్రీ ప్రొడక్షన్ పనులు
- మే నెలాఖరు నుంచి షూటింగ్ నిర్వహణ
గత కొన్నాళ్లుగా ఎన్టీఆర్ 'ఆర్ఆర్ఆర్' చిత్రం షూటింగుతో బిజీగా వున్నాడు. రాజమౌళి దర్శకత్వంలో రూపొందుతున్న ఈ మల్టీస్టారర్ లో ఎన్టీఆర్, చరణ్ హీరోలుగా నటిస్తున్న సంగతి విదితమే. ఈ చిత్రం షూటింగ్ ఇప్పుడు ముగింపు దశకు చేరింది. త్వరలో ఇది పూర్తికానుండడంతో ఎన్టీఆర్ తన తదుపరి సినిమాలపై దృష్టి పెడుతున్నాడు.
ఈ క్రమంలో ముందుగా ప్రముఖ దర్శకుడు త్రివిక్రమ్ శ్రీనివాస్ దర్శకత్వంలో ఆయన ఓ చిత్రాన్ని చేయనున్నాడు. దీనికి సంబంధించిన స్క్రిప్ట్ ఇప్పటికే రెడీ అయింది. మైత్రీ మూవీ మేకర్స్ నిర్మించే ఈ చిత్రం ప్రీ ప్రొడక్షన్ పనులు ప్రస్తుతం ముమ్మరంగా జరుగుతున్నాయి. షూటింగును మే నెలాఖరులో ప్రారంభించి ఏకధాటిగా నిర్వహించేలా ప్లాన్ చేస్తున్నారని తెలుస్తోంది.
ఈ చిత్రంలో నటించే కథానాయిక విషయమై రకరకాల పేర్లు వినిపిస్తున్నప్పటికీ, ఇంకా ఎవరినీ ఫైనల్ చేయలేదని అంటున్నారు. మరోపక్క, ఇందులో ప్రధాన విలన్ పాత్రను ప్రముఖ తమిళ నటుడు విజయ్ సేతుపతి పోషించే అవకాశం వుంది.
