Samanta: త్రివిక్రమ్ సినిమాలో మరోసారి సమంత?

  • ఎన్టీఆర్ హీరోగా త్రివిక్రమ్ సినిమా  
  • ప్రస్తుతం జోరుగా ప్రీ ప్రొడక్షన్ పనులు
  • సమంతతో ప్రస్తుతం సంప్రదింపులు
  • అమెరికా బ్యాక్ డ్రాప్ లో సాగే సినిమా
Samanta to be part of Trivikram flick

ప్రస్తుతం తెలుగులో 'జాను'తో పాటు, తమిళంలో నయనతారతో కలసి ఓ చిత్రంలో నటిస్తున్న అందాలతార సమంత తాజాగా 'ద ఫ్యామిలీ మెన్ 2' వెబ్ సీరీస్ లో నటిస్తోంది. ఇది త్వరలో అమెజాన్ ప్రైమ్ వీడియో ద్వారా స్ట్రీమింగ్ కానుంది. ఈ క్రమంలో ప్రముఖ దర్శకుడు త్రివిక్రమ్ శ్రీనివాస్ దర్శకత్వంలో మరో సినిమా చేసే ఛాన్స్ ఈ ముద్దుగుమ్మకు వచ్చినట్టు తెలుస్తోంది. 

ప్రస్తుతం రాజమౌళి దర్శకత్వంలో 'ఆర్ఆర్ఆర్' చిత్రంలో నటిస్తున్న ఎన్టీఆర్ దీని తర్వాత త్రివిక్రమ్ శ్రీనివాస్ దర్శకత్వంలో ఓ చిత్రం చేయనున్నాడు. ప్రస్తుతం దీనికి సంబంధించిన ప్రీ ప్రొడక్షన్ పనులు జరుగుతున్నాయి.

అమెరికా బ్యాక్ డ్రాప్ లో తెరకెక్కే ఈ చిత్రంలో ఓ కథానాయికగా సమంతను పరిశీలిస్తున్నట్టు, ఈ విషయంలో ప్రస్తుతం ఆమెతో సంప్రదింపులు జరుపుతున్నట్టు సమాచారం. గతంలో త్రివిక్రమ్ దర్శకత్వం వహించిన 'అత్తారింటికి దారేది', 'సన్నాఫ్ సత్యమూర్తి' చిత్రాలలో సమంత కథానాయికగా నటించిన సంగతి తెలిసిందే.

More Telugu News