యాక్షన్, ఎమోషన్ సమపాళ్లలో సాగే సుకుమార్, బన్నీ మూవీ

అల్లు అర్జున్ - సుకుమార్ కాంబినేషన్లో ఒక సినిమా రూపొందుతోంది. ఆల్రెడీ ఈ సినిమాకి సంబంధించిన ఒక చిన్నపాటి షెడ్యూల్ ను పూర్తిచేశారు. అల్లు అర్జున్ ఇంతవరకూ షూటింగులో పాల్గొనలేదు. కరోనా ప్రభావం తగ్గగానే ఈ సినిమా షూటింగు మొదలుకానుంది. స్మగ్లింగ్ నేపథ్యంలో ఈ సినిమా సాగనుంది. లారీ డ్రైవర్ గా మాస్ లుక్ తో బన్నీ కనిపించనున్నాడని అంటున్నారు.

యాక్షన్ - ఎమోషన్ ప్రధానంగా ఈ కథను సిద్ధం చేసినట్టుగా తెలుస్తోంది. అడుగడుగునా ఉత్కంఠను రేకెత్తించే విధంగా ఈ కథ నడుస్తుందని చెబుతున్నారు. ఈ సినిమాలో కథానాయికగా రష్మికను ఎంపిక చేసుకున్నారు. 'అల వైకుంఠపురములో' వంటి బ్లాక్ బస్టర్ తరువాత బన్నీ, 'రంగస్థలం' వంటి భారీ విజయం తరువాత సుకుమార్ కలిసి రూపొందిస్తున్న ఈ సినిమాపై అభిమానుల్లో భారీ అంచనాలు వున్నాయి.