యూఎస్ లో దుమ్ము రేపేస్తున్న 'భీష్మ'

నితిన్ ప్రేమకథతోనే తన కెరియర్ ను మొదలుపెట్టాడు .. ఎన్నో ప్రేమకథా చిత్రాలను చేశాడు. ఈ సారి ఆయన నుంచి ప్రేమకథగా వచ్చిన 'భీష్మ' మాత్రం ప్రేక్షకులను విశేషంగా ఆకట్టుకుంటోంది. ఈ సినిమాలో నితిన్ మరింత ఫ్రెష్ గా కనిపించడమే కాకుండా, డిఫరెంట్ కంటెంట్ తో ఆకట్టుకున్నాడు. దాంతో ఈ సినిమా అన్నివర్గాల ప్రేక్షకులను అలరిస్తూ వెళుతోంది. తెలుగు రాష్ట్రాలలోనే కాదు యూఎస్ లోను తన జోరు చూపుతోంది.

ఇటీవల యూఎస్ లో విడుదలైన 'జాను'.. 'వరల్డ్ ఫేమస్ లవర్' సినిమాలు రెండూ ప్రేమకథ నేపథ్యంలో సాగినవే. అయితే ఆ రెండు సినిమాలను కూడా యూఎస్ ఆడియన్స్ పట్టించుకోలేదు. దాంతో అక్కడ ఆ  రెండు సినిమాలు వసూళ్లపరంగా పూర్తిగా నిరాశపరిచాయి. ఈ నేపథ్యంలో వచ్చిన 'భీష్మ' పరిస్థితి ఎలా వుంటుందా అని అంతా అనుకున్నారు. అయితే 'భీష్మ' యూఎస్ లోను విజయవిహారం చేస్తోంది. నిన్నటి నుంచే ఈ సినిమా అక్కడ లాభాల బాట పట్టింది. 'అ ఆ' తరువాత అక్కడ అత్యధిక వసూళ్లను రాబట్టిన చిత్రంగా 'భీష్మ' నిలిచే అవకాశాలు ఎక్కువనే టాక్ బలంగా వినిపిస్తోంది.