ప్రభాస్ సినిమా నుంచి ఫస్టులుక్ ను ఆ రోజున రిలీజ్ చేస్తారట

ప్రభాస్ కథానాయకుడిగా రాధాకృష్ణ కుమార్ ఒక సినిమాను రూపొందిస్తున్నాడు. యూవీ క్రియేషన్స్ వారితో కలిసి ఈ సినిమాను కృష్ణంరాజు ఈ సినిమాను నిర్మిస్తున్నారు. పూజా హెగ్డే కథానాయికగా నటిస్తున్న ఈ సినిమా ఇప్పటికే చాలా వరకూ చిత్రీకరణ జరుపుకుంది. యూరప్ నేపథ్యంలో .. పునర్జన్మలతో కూడిన ప్రేమకథగా ఈ సినిమా రూపొందుతోంది.

ఈ సినిమాకి 'జాన్' అనే టైటిల్ అనుకున్నారు. ఇదే టైటిల్ ను ఖరారు చేయవచ్చని కూడా చెప్పుకున్నారు. కానీ 'ఓ డియర్' .. 'రాధే శ్యామ్' అనే టైటిల్స్ తెరపైకి వచ్చాయి. ఈ రెండు టైటిల్స్ లో 'ఓ డియర్'ను ఖరారు చేసినట్టు తెలుస్తోంది. 'ఉగాది' పండుగ రోజైన మార్చి 25వ తేదీన టైటిల్ తో కూడిన ఫస్టులుక్ పోస్టర్ ను విడుదల చేయనున్నారని సమాచారం. ఈ రొమాంటిక్ లవ్ స్టోరీ కోసం ప్రభాస్ అభిమానులంతా ఆత్రుతగా ఎదురుచూస్తున్నారు.