'వరల్డ్ ఫేమస్ లవర్' నుంచి ఫస్టు సింగిల్ వచ్చేస్తోంది

విజయ్ దేవరకొండ కథానాయకుడిగా క్రాంతిమాధవ్ దర్శకత్వంలో 'వరల్డ్ ఫేమస్ లవర్' రూపొందింది. క్రియేటివ్ కమర్షియల్స్ బ్యానర్ పై వల్లభ నిర్మించిన ఈ సినిమాకి గోపీసుందర్ సంగీతాన్ని అందించాడు. ఆయన బాణీల్లోని 'మై లవ్' అనే పాటను ఫస్టు సింగిల్ గా వదలనున్నారు.

ఈ నెల 20వ తేదీ సాయంత్రం 4 గంటల 05 నిమిషాలకి ఫస్టు సింగిల్ సాంగ్ ను రిలీజ్ చేయనున్నారు. ఈ విషయాన్ని అధికారికంగా తెలియజేస్తూ ఒక పోస్టర్ ను విడుదల చేశారు. మ్యూజిక్ వింటూ నాయకా నాయికలు ఎంజాయ్ చేస్తున్నట్టుగా ఈ పోస్టర్లో కనిపిస్తున్నారు. ప్రేమికుల దినోత్సవం సందర్భంగా ఫిబ్రవరి 14వ తేదీన ఈ సినిమాను ప్రపంచవ్యాప్తంగా విడుదల చేయనున్నారు. ఈ సినిమా కోసమే విజయ్ దేవరకొండ అభిమానులంతా ఎంతో ఆసక్తిగా ఎదురుచూస్తున్నారు. ఈ సినిమా ఎలాంటి ఫలితాన్ని రాబడుతుందో చూడాలి మరి.