'96' మూవీ రీమేక్ కి విడుదల తేదీ ఖరారైపోయినట్టే

తమిళంలో క్రితం ఏడాది అక్టోబర్లో వచ్చిన '96' సినిమా భారీ వసూళ్లను సాధించింది. విజయ్ సేతుపతి - త్రిష జంటగా నటించిన ఈ సినిమా, విమర్శకుల నుంచి సైతం ప్రశంసలు అందుకుంది. అలాంటి ఈ సినిమాను తెలుగులోకి రీమేక్ చేస్తున్నారు. శర్వానంద్ - సమంత జంటగా నటిస్తున్న ఈ సినిమా షూటింగు పార్టును పూర్తి చేసుకుంది. ప్రస్తుతం ప్యాచ్ వర్క్ జరుగుతోంది.

తమిళ సినిమాను తెరకెక్కించిన ప్రేమ్ కుమార్, తెలుగు రీమేక్ కి కూడా దర్శకత్వం వహిస్తున్నాడు. ప్రేమికుల దినోత్సవం సందర్భంగా ఈ సినిమాను ఫిబ్రవరి 14వ తేదీన విడుదల చేయాలని భావించారు. అయితే ఆ రోజున విజయ్ దేవరకొండ 'వరల్డ్ ఫేమస్ లవర్' సినిమా ఉండటంతో. '96' రీమేక్ ను ఫిబ్రవరి 7వ తేదీన విడుదల చేయాలనే నిర్ణయానికి వచ్చారని సమాచారం. త్వరలోనే అధికారిక ప్రకటన వెలువడనుందని అంటున్నారు.