యాక్సిడెంట్ తరువాత నా కెరియర్ మళ్లీ మొదటికొచ్చింది: 'రోజాపూలు' హీరో శ్రీరామ్

'రోజాపూలు' అనువాద చిత్రంతో తెలుగు ప్రేక్షకులకు పరిచయమైన శ్రీరామ్, తాజా ఇంటర్వ్యూలో మాట్లాడుతూ తన కెరియర్ కి సంబంధించిన విషయాలను గురించి ప్రస్తావించాడు. 'రోజాపూలు' సినిమా అటు తమిళంలోను .. ఇటు తెలుగులోను బాగా ఆడింది. ఆ తరువాత తమిళంలో హీరోగా నేను బిజీ అయ్యాను. ఆ సమయంలోనే తెలుగులో 'ఒకరికి ఒకరు' సినిమా చేశాను. మ్యూజికల్ హిట్ గా నిలిచిన ఆ చిత్రం, తెలుగు ప్రేక్షకులకు నన్ను మరింత చేరువ చేసింది.

అలా తమిళంతో పాటు తెలుగులోను నేను బిజీ అవుతానని అనుకుంటూ ఉండగానే నాకు పెద్ద యాక్సిడెంట్ జరిగింది. రెండు సంవత్సరాల పాటు నేను సినిమాలకి దూరంగా ఉండాల్సి వచ్చింది. ఆ ప్రమాదం తరువాత కెరియర్ మళ్లీ మొదటికొచ్చింది. అంతకుముందు నాతో సినిమాలు చేస్తామంటూ తిరిగిన వాళ్లెవరూ నన్ను పట్టించుకోలేదు. దాంతో సపోర్టింగ్ రోల్స్ చేస్తూ వెళ్లాను. ఇప్పుడు మాత్రం హీరో అవకాశాలకు .. కీలకమైన పాత్రలకు మాత్రమే ప్రాధాన్యతనిస్తున్నాను" అని చెప్పుకొచ్చాడు.