ఈ చిన్నారి సీతమ్మ డ్యాన్స్ ఎంత క్యూటో... ఫిదా అవుతున్న నెటిజన్లు!

చిన్నారులు ఏం చేసినా పెద్దలకు ఆనందంగానే ఉంటుంది. అదే ఏదైనా పండగ వేళ అయితే, ఆ ఆనందం మరింత రెట్టింపవుతుంది. ఇక దసరా సందర్భంగా ముగ్గురు పిల్లలకు రాముడు, లక్ష్మణుడు, సీతమ్మ వేషాలను వేయగా, వెనుక వినిపిస్తున్న సంగీతానికి అనుగుణంగా, మైమరచిపోయిన చిన్నారి సీతమ్మ వేసిన స్టెప్పులు ఇప్పుడు నెటిజన్లను ఫిదా చేస్తున్నాయి.

ఈ ముచ్చట ఎక్కడ జరిగిందన్న విషయం తెలియలేదుగానీ, ఏ మాత్రం కల్మషం లేకుండా, అమాయకత్వంతో ఈ చిన్నారి సీత నృత్యం చేస్తుండటం సోషల్ మీడియాలో వైరల్ అవుతోంది. ఇక ఈ వీడియో చూసిన వారంతా పలు రకాల కామెంట్లు పెడుతున్నారు. ఈ కాలపు సీతమ్మ డ్యాన్స్ చేస్తే ఇలాగే ఉంటుందని కితాబిస్తున్నారు. ఎంతో క్యూట్ గా డ్యాన్స్ చేసిందని పొగడ్తల వర్షం కురిపిస్తున్నారు. ఆ వీడియోను మీరూ చూసేయండి.