సెన్సేషనల్ స్టార్ తో అజయ్ భూపతి మూవీ

అజయ్ భూపతి దర్శకత్వం వహించిన 'ఆర్ ఎక్స్ 100' మూవీ సంచలన విజయాన్ని నమోదు చేసింది. ఆ తరువాత సినిమాగా ఆయన 'మహా సముద్రం' టైటిల్ తో ఒక కథను సిద్ధం చేసుకున్నాడు. ఈ సినిమాను రవితేజతో రూపొందించనున్నట్టు వార్తలు వచ్చాయి. అయితే కొన్ని కారణాల వలన ఈ ప్రాజెక్టు నుంచి రవితేజ తప్పుకున్నాడు. దాంతో ఈ కథ చైతూ దగ్గరికి వచ్చినట్టుగా ప్రచారం జరిగింది.

తాజాగా ఓ సెన్సేషనల్ స్టార్ హీరోతో అజయ్ భూపతి సినిమా ఖరారైపోయింది. భవ్య క్రియేషన్స్ బ్యానర్ పై ఆయన ఈ సినిమా చేయనున్నాడు. భవ్య క్రియేషన్స్ వారే ఈ విషయాన్ని అధికారికంగా తెలియజేస్తూ, ఒక పోస్టర్ ను వదిలారు. అజయ్ భూపతి దర్శకత్వంలో తాము నిర్మించనున్న సినిమాలో ఒక సెన్సేషనల్ స్టార్ హీరో నటించనున్నట్టు ప్రకటించారు. మిగతా వివరాలను త్వరలోనే వెల్లడిస్తామని చెప్పారు.