Kajal Agarwal: సినిమా కబుర్లు.. సంక్షిప్త సమాచారం
- సత్కార్యానికి దిగిన కాజల్
- జనవరి నుంచి పూరి సినిమా
- భారీ ప్రాజక్టులకు దూరంగా ప్రభాస్
* అందాల కథానాయిక కాజల్ ఆగర్వాల్ ఓ సత్కార్యానికి నడుం బిగించింది. సద్గురు జగ్గీవాసుదేవ్ కు ఇచ్చిన మాట ప్రకారం, కావేరి నది పరిరక్షణ కోసం లక్ష మొక్కలను నాటే కార్యక్రమానికి శ్రీకారం చుట్టింది. ఈ విషయంలో సహకరించమని తన అభిమానులను కోరింది.
* తాజాగా 'ఇస్మార్ట్ శంకర్' చిత్రంతో హిట్ కొట్టిన పూరి జగన్నాథ్ తన తదుపరి చిత్రాన్ని విజయ్ దేవరకొండ హీరోగా చేయనున్నాడు. ప్రస్తుతం ప్రీ ప్రొడక్షన్ పనులు జరుపుకుంటున్న ఈ చిత్రం షూటింగును వచ్చే ఏడాది జనవరిలో ప్రారంభిస్తారని సమాచారం.
* 'బాహుబలి', 'సాహో' వంటి భారీ ప్రాజక్టులతో చిత్ర నిర్మాణం కోసం ఎక్కువ కాలాన్ని వెచ్చించాల్సి వచ్చిన ప్రభాస్, ఈ క్రమంలో తాజాగా ఓ నిర్ణయం తీసుకున్నాడు. ఇకపై ఇలాంటి భారీ ప్రాజక్టుల జోలికి వెళ్లకుండా ఏడాదికి రెండు సినిమాలు రిలీజ్ అయ్యేలా చూసుకుంటానని ప్రభాస్ చెబుతున్నాడు.
