దూకుడు తగ్గించని 'ఇస్మార్ట్ శంకర్'

పూరి జగన్నాథ్ - రామ్ కాంబినేషన్లో వచ్చిన 'ఇస్మార్ట్ శంకర్' భారీ వసూళ్లతో దూసుకుపోతోంది. పూరి తయారు చేసుకున్న మాస్ కథకు మణిశర్మ సంగీతం తోడై, విడుదలైన ప్రతిచోట ఈ సినిమా విజయవిహారం చేస్తోంది. 12 రోజుల్లోనే ఈ సినిమా 65 కోట్లకి పైగా గ్రాస్ ను .. 30 కోట్లకి పైగా షేర్ ను రాబట్టేసింది.

ఒక్క నైజామ్ లోనే ఈ సినిమా 10 కోట్ల వసూళ్లను సాధించించింది. 'డియర్ కామ్రేడ్' విడుదల తరువాత 'ఇస్మార్ట్ శంకర్' వసూళ్లపై ప్రభావం పడుతుందని అంతా అనుకున్నారు. కానీ 'డియర్ కామ్రేడ్' జోరు ఆశించినస్థాయిలో లేకపోవడంతో, 'ఇస్మార్ట్ శంకర్' వసూళ్ల పరంగా తన దూకుడును కొనసాగిస్తూనే వుంది. ప్రస్తుతం విదేశాల్లో వున్న రామ్ అక్కడి నుంచి తిరిగి రాగానే ఇంటర్వ్యూలతో టీవీ ఛానల్స్ లో సందడి చేస్తాడని చెబుతున్నారు.