రవితేజ ద్విపాత్రాభినయం .. ఒక పాత్రకు డిజార్డర్

కొంతకాలంగా వరుస పరాజయాలతో రవితేజ సతమతమవుతున్నాడు. ఈ సారి తప్పకుండా హిట్ కొట్టాలనే పట్టుదలతో ఆయన 'డిస్కోరాజా' సినిమాకి గ్రీన్ సిగ్నల్ ఇచ్చాడు. విభిన్నమైన కథాకథనాలతో ఈ సినిమా నిర్మితమవుతోంది. వీఐ ఆనంద్ దర్శకత్వం వహిస్తోన్న ఈ సినిమాలో రవితేజ ద్విపాత్రాభినయం చేస్తున్నాడు.

తండ్రీకొడుకులుగా రెండు విభిన్నమైన పాత్రల్లో ఆయన తెరపై కనిపించనున్నాడు. ఈ రెండు పాత్రల్లో ఒక పాత్రకి విచిత్రమైన ఒక డిజార్డర్ వుంటుందట. కీలకమైన సమయాల్లో ఆ పాత్ర ఒక్కసారిగా బిగుసుకుపోతుందట. ఆ పాత్రకి గల ఆ డిజార్డర్ .. కథ ఎలాంటి మలుపులు తిరగడానికి కారణమవుతుంది? ఎలాంటి పరిణామాలు చోటుచేసుకుంటాయి? అనేది చాలా ఆసక్తికరంగా వుంటుందట. రవితేజ సరసన నాయికలుగా పాయల్ రాజ్ పుత్ .. నభా నటేశ్ .. ప్రియాంక జవాల్కర్ నటిస్తున్నారు.