'వ్యూహం' సినిమాలో నాని హీరో కాదట!

ప్రస్తుతం నాని .. 'జెర్సీ' సినిమాను ప్రేక్షకుల ముందుకు తీసుకొచ్చే పనిలో వున్నాడు. ఒక వైపున ఈ సినిమా విడుదలకి ముస్తాబవుతూ ఉండగా, మరో వైపున ఇంద్రగంటి మోహనకృష్ణతో కలిసి నాని సెట్స్ పైకి వెళ్లడానికి రెడీ అవుతున్నాడు. ఈ సినిమాకి 'వ్యూహం' అనే టైటిల్ ను ఖరారు చేశారు. ఈ సినిమాలో సుధీర్ బాబు కూడా ఉండటం వలన, ఇది మల్టీ స్టారర్ మూవీ అంటూ జోరుగా ప్రచారం జరుగుతోంది.

అయితే ఈ సినిమాలో నాని కొంతసేపు మాత్రమే కనిపిస్తాడని తెలుస్తోంది. సినిమా మొత్తం మీద ఆయన పాత్ర 15 నుంచి 20 నిమిషాల మధ్య మాత్రమే ఉంటుందని అంటున్నారు. 'ఎవడు' సినిమాలో బన్నీ పాత్ర మాదిరిగా 'వ్యూహం' సినిమాలో నాని పాత్ర కీలకంగా నిలుస్తుందేగానీ హీరోగా మాత్రం కాదట. ఆ సినిమా మాదిరిగానే ఇది కూడా మల్టీస్టారర్ మూవీ కాదనేది స్పష్టం.  దిల్ రాజుతో పాటు నాని కూడా ఈ సినిమాకి నిర్మాతగా వ్యవహరించనున్నాడనే ఒక  టాక్ మాత్రం వినిపిస్తోంది.