Thamanna: సినిమా కబుర్లు.. సంక్షిప్త సమాచారం
- గోపీచంద్ సరసన తమన్నా
- వచ్చే నెల నుంచి బన్నీ సినిమా
- మరో చిత్రానికి ఓకే చెప్పిన రామ్
* గోపీచంద్, సంపత్ నంది కాంబినేషన్లో మరో చిత్రాన్ని నిర్మించడానికి సన్నాహాలు జరుగుతున్నాయి. ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రం షూటింగ్ ఏప్రిల్ నుంచి జరుగుతుంది. ఇందులో తమన్నా కథానాయికగా నటించే ఛాన్స్ వుంది.
* అల్లు అర్జున్, త్రివిక్రమ్ శ్రీనివాస్ కలయికలో రూపొందే చిత్రం షూటింగ్ మార్చ్ నుంచి జరుగుతుంది. ఇందులో కథానాయికగా పూజా హెగ్డే దాదాపు ఖరారు అయినట్టు తెలుస్తోంది. బన్నీతో త్రివిక్రమ్ కు ఇది మూడవ చిత్రం అవుతుంది.
* ప్రస్తుతం పూరీ జగన్నాథ్ దర్శకత్వంలో 'ఇస్మార్ట్ శంకర్' చిత్రం చేస్తున్న హీరో రామ్ తాజాగా మరో చిత్రానికి గ్రీన్ సిగ్నల్ ఇచ్చాడు. 'అప్పట్లో ఒకడుండేవాడు' ఫేం సాగర్ చంద్ర దర్శకత్వంలో నటించడానికి రామ్ ఓకే చెప్పాడట.
