'ఆర్ ఎక్స్ 100' హీరో జోడీగా మలయాళ బ్యూటీ

లవ్ .. అండ్ యాక్షన్ కలిసిన ఒక చిన్న సినిమాగానే 'ఆర్ ఎక్స్ 100' ప్రేక్షకుల ముందుకు వచ్చింది. అలాంటి ఈ సినిమా కంటెంట్ తో యూత్ హృదయాలను కొల్లగొట్టేసింది. అనూహ్యమైన రీతిలో భారీ వసూళ్లను నమోదు చేసింది. ఈ సినిమాతో హీరో కార్తికేయ ఇండస్ట్రీ దృష్టిలో పడ్డాడు. ఆయన తాజా చిత్రం అర్జున్ జంధ్యాల దర్శకత్వంలో రూపొందుతోంది.

రీసెంట్ గా ఈ సినిమా రెగ్యులర్ షూటింగ్ ఒంగోలులో మొదలైంది. ఈ సినిమాలో కథానాయిక ఎవరనే ఆసక్తి యూత్ లో కలిగింది. కథానాయిక పాత్ర కోసం మలయాళ ముద్దుగుమ్మ 'అనఘ మరుతోర'ను ఎంపిక చేశారనేది తాజా సమాచారం. క్రితం  ఏడాది తమిళంలో ఎంట్రీ ఇచ్చిన ఈ సుందరి, ఈ సినిమాతో తెలుగు తెరకి పరిచయమవుతోంది. ఈ అమ్మాయి మంచి డాన్సర్ అని తెలుస్తోంది. పాయల్ రాజ్ పుత్ మాదిరిగానే ఈ అమ్మాయి కూడా మంచి మార్కులు కొట్టేస్తుందేమో చూడాలి.