Simran: సినిమా కబుర్లు.. సంక్షిప్త సమాచారం
- మరో సినిమాలో నాయికగా సిమ్రన్
- త్వరలో బాలకృష్ణ ద్విపాత్రాభినయం
- పూరీ-రామ్ సినిమాకి ముహూర్తం
- విజయ్ ఆంటోనికి ఇళయరాజా మ్యూజిక్
* ఇటీవల వచ్చిన 'పేట' సినిమాలో నలభై రెండేళ్ల వయసులో కూడా గ్లామరస్ గా కనిపించి ఆకట్టుకున్న ఒకప్పటి కథానాయిక సిమ్రన్ తాజాగా మరో చిత్రాన్ని అంగీకరించింది. త్వరలో ప్రారంభం కాబోయే చిత్రంలో మాధవన్ సరసన ఆమె కథానాయికగా నటించనుంది.
* హిట్ కాంబినేషన్ బాలకృష్ణ, బోయపాటి కలయికలో మరో చిత్రానికి సన్నాహాలు జరుగుతున్నాయి. ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రంలో బాలకృష్ణ ద్విపాత్రాభినయం చేస్తారని సమాచారం.
* పూరీ జగన్నాథ్ దర్శకత్వంలో రామ్ హీరోగా 'ఇస్మాత్ శంకర్' పేరిట ఓ చిత్రం రూపొందనుంది. ఈ చిత్రం షూటింగును ఈ నెల 23న లాంఛనంగా ప్రారంభించి, 24 నుంచి రెగ్యులర్ షూటింగును నిర్వహిస్తారు.
* 'బిచ్చగాడు' ఫేం విజయ్ ఆంటోని నటించే చిత్రానికి ప్రముఖ సంగీత దర్శకుడు ఇళయరాజా సంగీతాన్ని సమకూరుస్తారు. స్వతహాగా సంగీత దర్శకుడైన విజయ్ ఆంటోని ఇన్నాళ్లూ తన చిత్రాలకు తానే సంగీతాన్ని సమకూర్చుకున్నారు.
