sara ali Khan: బుర్ఖా ధరించి సినిమాకు వెళ్లిన బాలీవుడ్ హీరోయిన్!
- ‘కేదారనాథ్’తో ఎంట్రీ ఇచ్చిన సారా అలీఖాన్
- వరదల నేపథ్యంలో తలెత్తిన ప్రేమకథ
- ఇన్‌స్టాగ్రాం ద్వారా విషయం వెల్లడి
తన సినిమాపై స్పందన తెలుసుకునేందుకు హీరోయిన్ ఏకంగా బుర్ఖాలో థియేటర్‌కు వెళ్లింది. ప్రేక్షకులకు ఏమాత్రం అనుమానం రాకుండా సినిమా చూసింది. అభిషేక్ దర్శకత్వంలో తెరకెక్కిన ‘కేదారనాథ్’ చిత్రంతో సారా అలీఖాన్ బాలీవుడ్‌లో తెరంగేట్రం చేసింది. ఈ చిత్రంలో సుశాంత్ సింగ్ రాజ్‌పుత్ కథానాయకుడిగా నటించారు. కేదారనాథ్‌లో వచ్చిన వరదల నేపథ్యంలో తలెత్తిన ప్రేమకథతో ఈ చిత్రం రూపొందింది.
శుక్రవారం విడుదలైన ఈ సినిమా మంచి సక్సెస్ టాక్‌తో నడుస్తోంది. తన సినిమాపై ప్రేక్షకుల స్పందనను స్వయంగా తెలుసుకోవాలనుకున్న సారా బుర్ఖా వేసుకుని ముంబయిలోని ఓ థియేటర్‌కి వెళ్లింది. ప్రేక్షకులకు అనుమానం రాకుండా వారి మధ్యే కూర్చొని తన తొలి చిత్రాన్ని ఎంజాయ్ చేసింది. అనంతరం సోషల్ మీడియాలో విషయాన్ని వెల్లడిస్తూ థియేటర్‌లో దిగిన ఫోటోను షేర్ చేసింది.
