రవితేజ మూవీ టైటిల్ ఏమిటనేది ఆ రోజున చెబుతారట!

రవితేజ తాజా చిత్రంగా 'అమర్ అక్బర్ ఆంటోని' నిర్మితమైంది. ఈ నెల 16వ తేదీన ఈ సినిమాను భారీస్థాయిలో విడుదల చేయనున్నారు. ఈ సినిమా తరువాత రవితేజ మరో ప్రాజెక్టుతో సెట్స్ పైకి వెళ్లడానికి రెడీ అవుతున్నాడు. రవితేజ తదుపరి సినిమాకి దర్శకుడిగా వీఐ ఆనంద్ వ్యవహరించనున్నాడు.

సైంటిఫిక్ థ్రిల్లర్ గా ఈ సినిమా రూపొందనుంది. ఈ తరహా జానర్లో సినిమా చేయడం రవితేజకి ఇదే మొదటిసారి. అనూహ్యమైన మలుపులతో ఉత్కంఠను రేకెత్తిస్తూ ఈ కథ కొనసాగుతుందని ఈ చిత్ర నిర్మాత రామ్ తాళ్లూరి చెప్పారు. ఈ సినిమా కోసం కొన్ని ఇంట్రెస్టింగ్ టైటిల్స్ అనుకున్నామనీ, ఒక టైటిల్ ను ఓకే చేసి నవంబర్ 13వ తేదీన లోగోను రిలీజ్ చేయనున్నామని చెప్పారు. త్వరలోనే మిగతా వివరాలను వెల్లడిస్తామని అన్నారు.