‘ఎన్టీఆర్’ నుంచి నేటి ఉదయం 9:35 గంటలకు సర్‌ప్రైజ్.. వేచి చూడాలన్న చిత్ర యూనిట్!

‘ఎన్టీఆర్’ బయోపిక్ నుంచి నేడు (గురువారం) మరో సర్‌ప్రైజ్ రాబోతోంది. ఈ విషయాన్ని స్వయంగా చిత్ర యూనిట్ ప్రకటించింది. ఈ ఉదయం 9:35 గంటలకు ఆ సర్‌ప్రైజ్‌ను బయటపెట్టనున్నట్టు తెలిపింది. అది చాలా పెద్ద వార్తేనని, తెలుసుకునేందుకు వేచి చూడాలని కోరింది. శరవేగంగా షూటింగ్ జరుపుకుంటున్న ఈ సినిమా సంక్రాంతికి విడుదల కానుంది.

రోజుకో వార్తతో ఈ సినిమాపై అంచనాలు పెరుగుతుండగా, తాజా వార్త అందరిలోనూ ఉత్కంఠ రేపింది. ఎన్టీఆర్ తనయుడు, హిందూపురం ఎమ్మెల్యే బాలకృష్ణ స్వయంగా నిర్మిస్తున్న ఈ సినిమాలో ఎన్టీఆర్‌గా బాలకృష్ణ, అక్కినేని నాగేశ్వరరావుగా సుమంత్, చంద్రబాబునాయుడుగా రానా కీలక పాత్రల్లో నటిస్తున్నారు. ఎన్టీఆర్ సతీమణి బసవతారకం పాత్రలో బాలీవుడ్ నటి విద్యాబాలన్ నటిస్తోంది.