ఎవరిని ఉద్ధరించడానికి ఈ 'కికి'?: మంచు లక్ష్మి

సోషల్ మీడియా పుణ్యమాని ఇటీవలి కాలంలో వైరల్ అయిన 'కికి' చాలెంజ్ వద్దంటూ పోలీసులు హెచ్చరిస్తున్న సమయంలో, నటి, నిర్మాత మంచు లక్ష్మి స్పందించింది. ఎవరిని ఉద్ధరించడానికి ఈ 'కికి' చాలెంజ్ అంటూ ఆగ్రహాన్ని వ్యక్తం చేసింది. ఇది ఎందుకని ప్రశ్నించింది. ఏదైనా పనికొచ్చేవి చేయాలని సలహా ఇచ్చింది.

తెలంగాణ ప్రభుత్వం చేపట్టిన గ్రీన్ చాలెంజ్ ని స్వీకరిస్తే, దేశం పచ్చగానైనా మారుతుందని హితవు పలికింది. కాకుంటే 'గిఫ్ట్ ఏ హెల్మెట్' చాలెంజ్ తీసుకుని ప్రమాదాలను అరికట్టించేందుకు తనవంతు సహకారాన్ని ఇవ్వాలని సూచించింది. ట్రాఫిక్ రూల్స్ మీద అవగాహన పెంచే పనులు చేయకుండా, ఈ పిచ్చి చాలెంజ్ లు ఎందుకని అడిగింది. వీటిని అరికట్టాలని, 'కికి' చాలెంజ్ వద్దే వద్దని మంచు లక్ష్మి సలహా ఇచ్చింది.