'w/o రామ్' సినిమా నుంచి ఇంట్రెస్టింగ్ ట్రైలర్

మొదటి నుంచి కూడా వైవిధ్యభరితమైన పాత్రలను ఎంచుకుంటూ .. నటన పరంగా మంచి మార్కులు కొట్టేస్తూ మంచు లక్ష్మి తన ప్రత్యేకతను చాటుకుంటోంది. ఆమె ప్రధాన పాత్రగా .. విజయ్ యలకంటి దర్శకత్వంలో 'w/o రామ్' చిత్రం రూపొందింది. తాజాగా ఈ సినిమా నుంచి ఒక ట్రైలర్ ను రిలీజ్ చేశారు.

ఈ సినిమాలో ఆమె భర్త పాత్ర హత్య చేయబడుతుంది. ఆ మర్డర్ మిస్టరీని ఛేదించడానికి ఒక వైపున పోలీసులు ప్రయత్నిస్తుంటే .. మరో వైపున ఆమె కూడా తన ప్రయత్నం తాను చేస్తుంటుంది. అదే విషయాన్ని ఈ ట్రైలర్ లో ఆసక్తికరంగా చూపించారు. ట్రైలర్ ఆకట్టుకునేలా వుంది .. సినిమాపై ఆసక్తిని పెంచేదిలా వుంది. మంచు ఎంటర్టైన్మెంట్ బ్యానర్ పై రూపొందిన ఈ సినిమాలో, ప్రియదర్శి .. ఆదర్శ్ బాలకృష్ణ ముఖ్యమైన పాత్రలను పోషించారు. త్వరలోనే ఈ సినిమా ప్రేక్షకుల ముందుకు రానుంది.