సినిమా కబుర్లు.. సంక్షిప్త సమాచారం

*  రవితేజ హీరోగా శ్రీను వైట్ల దర్శకత్వంలో రూపొందుతున్న 'అమర్ అక్బర్ ఆంటోనీ' చిత్రం నుంచి కథానాయిక అనూ ఇమ్మానుయేల్ తప్పుకుంది. ఈ విషయాన్ని అనూతో పాటు చిత్ర నిర్మాతలు కూడా ధ్రువీకరించారు. డేట్స్ సమస్య వల్ల ఈ చిత్రం నుంచి తప్పుకున్నట్టు ఆమె ప్రకటించింది.
*  నాగార్జున, నాని హీరోలుగా శ్రీరాం ఆదిత్య దర్శకత్వంలో రూపొందుతున్న మల్టీ స్టారర్ షూటింగ్ ప్రస్తుతం హైదరాబాదులో ప్రత్యేకంగా వేసిన కాలనీ సెట్లో జరుగుతోంది. కాగా, ఈ చిత్రాన్ని వినాయక చవితి సందర్భంగా సెప్టెంబర్ 13న రిలీజ్ చేయడానికి ప్లాన్ చేస్తున్నారు.
*  హీరోగా సక్సెస్ కాలేకపోయిన కమెడియన్ సునీల్ తిరిగి హాస్య పాత్రలను పోషిస్తున్నాడు. ఇప్పటికే 'అమర్ అక్బర్ ఆంటోనీ', 'సిల్లీ ఫెలోస్' చిత్రాలలో నటిస్తున్న సునీల్ తాజాగా శర్వానంద్ నటిస్తున్న 'పడిపడి లేచే మనసు' చిత్రంలో కూడా ఓ ముఖ్య పాత్రను పోషిస్తున్నాడు.