ఇక ఆగేది లేదు .. త్రివిక్రమ్ - ఎన్టీఆర్ సెట్స్ పైకి వెళ్లేది ఆ రోజునే!

త్రివిక్రమ్ .. ఎన్టీఆర్ కాంబినేషన్లో ఒక సినిమా రూపొందనున్న సంగతి తెలిసిందే. ఈ సినిమా ఎప్పుడు సెట్స్ పైకి వెళుతుందా అనే ఆసక్తితో అభిమానులు ఎదురుచూస్తున్నారు. ఈ నేపథ్యంలో ఈ సినిమాను ఏప్రిల్ 12వ తేదీన సెట్స్ పైకి తీసుకెళ్లడానికి సన్నాహాలు చేస్తున్నారనేది తాజా సమాచారం.

ఆ రోజు నుంచే రెగ్యులర్ షూటింగును మొదలుపెట్టి .. నెలాఖరు వరకూ షూటింగ్ చేయనున్నట్టు తెలుస్తోంది. హైదరాబాద్ - రామోజీ ఫిల్మ్ సిటీలో ఈ షెడ్యూల్ ను పూర్తిచేయనున్నారు. ఆ తరువాత నాలుగైదు రోజులు మాత్రమే గ్యాప్ ఇచ్చి, ఆ వెంటనే రెండవ షెడ్యూల్ ను మొదలుపెట్టనున్నట్టు చెబుతున్నారు. రెండవ షెడ్యూల్ షూటింగును ఎక్కడ ప్లాన్ చేశారనేది తెలియాల్సి వుంది. వీలైనంత వరకూ ఈ సినిమాను దసరాకే విడుదల చేయాలనే ఆలోచనలో వున్నారు.