షూటింగులో రవితేజకి ఎలాంటి ప్రమాదం జరగలేదు: దర్శకుడు కల్యాణ్ కృష్ణ

ఒక వైపున యూత్ ను .. మరో వైపున ఫ్యామిలీ ఆడియన్స్ ను ఆకట్టుకునే కంటెంట్స్ ను ఎంచుకుంటూ, కల్యాణ్ కృష్ణ విజయాలను అందుకుంటూ వున్నాడు. ప్రస్తుతం ఆయన రవితేజతో 'నేల టికెట్' సినిమాను చేస్తున్నాడు. ఈ క్రమంలో ఈ సినిమా షూటింగ్ సమయంలో రవితేజ గాయపడినట్టుగా ఒక వార్త హల్ చల్ చేస్తోంది. దాంతో ఆయన అభిమానులు ఆందోళనకి లోనయ్యారు.

 ఈ నేపథ్యంలో దర్శకుడు కల్యాణ్ కృష్ణ ట్విట్టర్ ద్వారా స్పందిస్తూ .. ఇదంతా కేవలం పుకారు మాత్రమేననీ ..ఇందులో ఎలాంటి నిజం లేదని చెప్పాడు. షూటింగు సమయంలో ఎలాంటి ప్రమాదం జరగలేదనీ .. ఎప్పటిలానే షూటింగులో రవితేజ చురుకుగా పాల్గొంటున్నాడని తెలిపాడు. ప్రస్తుతం ఈ సినిమా షూటింగ్ హైదరాబాద్ లోని రామోజీ ఫిల్మ్ సిటీలో జరుగుతోంది. మాళవిక శర్మ కథానాయికగా నటిస్తోన్న ఈ సినిమాను ఈ వేసవిలో విడుదల చేయనున్నట్టు సమాచారం.