అందాల కైరా అద్వాని అదృష్టవంతురాలే!

బాలీవుడ్ లో 'ధోని' బయోపిక్ లో నటించిన కైరా అద్వాని మంచి క్రేజ్ సంపాదించుకుంది. ఆ సినిమా కారణంగా ఆమె టాలీవుడ్ ని ఆకర్షించగలిగింది. దాంతో మహేశ్ బాబు సినిమా 'భరత్ అను నేను' లో ఛాన్స్ కొట్టేయగలిగింది. తెలుగులో తొలి సినిమానే సూపర్ స్టార్ మహేశ్ బాబుతో చేస్తుండటంతో అమ్మాయి అదృష్టం ఒక రేంజ్ లో ఉందని అంతా అనుకుంటున్నారు. ఈ సినిమా ఇంకా సెట్స్ పై ఉండగానే, తమిళ స్టార్ హీరో విజయ్ సినిమాలోను ఈ సుందరి ఛాన్స్ కొట్టేయడం మరో విశేషం.

 'మెర్సల్' హిట్ తో మాంచి ఉత్సాహంతో వున్న విజయ్ తో మురుగదాస్ ఒక సినిమా చేయడానికి రంగాన్ని సిద్ధం చేస్తున్నాడు. ఈ సినిమాలో కథానాయికగా రకుల్ ప్రీత్ ను గానీ .. సోనాక్షిని గాని తీసుకోవాలని మురుగదాస్ భావించాడట. అయితే గతంలో ఆ ఇద్దరితోను మురుగదాస్ చేసిన సినిమాలు సక్సెస్ కాలేదు. అందువలన కాస్త కొత్తగా అనిపించే మరో హీరోయిన్ ను ట్రై చేయమని విజయ్ అనడంతో, కైరా అద్వానిని మురుగదాస్ ఎంపిక చేసినట్టుగా తెలుస్తోంది. ఆమె ఎంపిక పట్ల విజయ్ కూడా సుముఖంగా వున్నాడని టాక్.