సముద్రం మధ్యలో మంచు మనోజ్ మూవీ షూటింగ్!

మంచు మనోజ్ హీరోగా 'ఒక్కడు మిగిలాడు' సినిమా తెరకెక్కుతోంది. ఎస్.ఎన్.రెడ్డి నిర్మాణంలో అజయ్ ఆండ్రుస్ దర్శకత్వంలో ఈ సినిమా రూపొందుతోంది. ఈ సినిమాలో మంచు మనోజ్ ఎల్టీటీఈ చీఫ్ ప్రభాకరన్ గాను .. ఓ స్టూడెంట్ గాను రెండు విభిన్నమైన పాత్రల్లో కనిపించనున్నాడు. ఇటీవల ఈ సినిమాకి సంబంధించిన ఒక కీలకమైన సన్నివేశాన్ని సముద్రం మధ్య భాగంలో చిత్రీకరించారు.

పది మంది పాల్గొన్న ఈ రెస్క్యూ సీన్ ఉత్కంఠను రేకెత్తించేలా ఉంటుందని చెబుతున్నారు. ఈ సీన్ లో తాను నటించలేదనీ .. కష్టతరమైన ఈ సీన్ లో ధైర్యంగా పాల్గొన్న వాళ్లందరికీ మంచు మనోజ్ హ్యాట్సాఫ్ చెప్పాడు. రెండు వైవిధ్యభరితమైన పాత్రలను పోషించే అవకాశం రావడం పట్ల ఆనందాన్ని వ్యక్తం చేశాడు. త్వరలోనే టీజర్ ను రిలీజ్ చేసి, సినిమా విడుదల తేదీని ప్రకటిస్తామని చెప్పారు.