రష్యా అధీనంలోని అణు ప్లాంట్ పై ఉక్రెయిన్ డ్రోన్ దాడి

రష్యా-ఉక్రెయిన్ మధ్య యుద్ధం గత కొన్ని రోజులుగా తీవ్రరూపు దాల్చింది. తాజాగా, రష్యా అధీనంలోని అణు ప్లాంట్ పై ఉక్రెయిన్ డ్రోన్ దాడి చేపట్టింది. ఈ అణు ప్లాంట్ జపోర్జియా ప్రాంతంలో ఉంది. 

24 గంటల వ్యవధిలో ఐదుసార్లు డ్రోన్ దాడి జరిగినట్టు రష్యా వెల్లడించింది. ఉక్రెయిన్ దాడుల్లో ప్లాంట్ పరిపాలన భవనం దెబ్బతిన్నట్టు తెలిపింది. ఈ క్రమంలో, ఉక్రెయిన్ కు చెందిన మూడు డ్రోన్లను కూల్చివేశామని పేర్కొంది. వాస్తవానికి జపోర్జియా ప్రాంతం ఉక్రెయిన్ కు చెందినది. దీన్ని రష్యా ఆక్రమించింది.