తెలంగాణ గ్రూప్ 2 హాల్ టికెట్ డౌన్ లోడ్.. ఎప్పటి నుంచంటే..!

గ్రూప్ 2 పరీక్షలకు సంబంధించి తెలంగాణ స్టేట్ పబ్లిక్ సర్వీస్ కమిషన్ (టీజీపీఎస్సీ) తాజా అప్ డేట్ వెలువరించింది. అభ్యర్థులు వచ్చే నెల (డిసెంబర్) 9 నుంచి హాల్ టికెట్లు డౌన్ లోడ్ చేసుకోవచ్చని తెలిపింది. ఈమేరకు గురువారం టీజీపీఎస్సీ ఓ ప్రకటన విడుదల చేసింది. డిసెంబర్‌ 15, 16 తేదీల్లో గ్రూప్ 2 పరీక్షలు నిర్వహించనున్నారు. ఉదయం, మధ్యాహ్నం 2 సెషన్లలో పరీక్షలు జరగనున్నాయి. కాగా, 783 గ్రూప్‌- 2 పోస్టుల భర్తీకి టీజీపీఎస్సీ నోటిఫికేషన్‌ విడుదల చేయగా.. 5.51లక్షల మంది దరఖాస్తు చేసుకున్నారు.