ఈ ఇద్దరిలో ఎవరు హీరో.. వైరల్ వీడియో ఇదిగో!

అప్పుడే గుహ నుంచి బయటికి వస్తున్న వైల్డ్‌ బోర్‌ (అడవి పంది)... దాని కోసం నక్కి నక్కి ఎదురుచూస్తున్న చిరుతపులి. ఆ రెండింటికీ అర్థమైంది... వేట, ఆట మొదలైందని... కనురెప్ప మూసి తెరిచే క్షణంలో కదిలాయి. వేగంలో రెండూ రెండే. చిరుత పులిని పరుగెట్టించిన వైల్డ్ బోర్... చిక్కినట్టే చిక్కి తప్పించుకుంది. అప్పటికప్పుడు ఓ ట్విస్ట్ ఇచ్చింది. కనురెప్ప మూసి తెరిచేలోగా... భూమిలో ఉన్న ఓ కలుగులోకి దూరిపోయింది. ఈ చిరుతపులి మాత్రమే కాదు... ఆ వేట ఫలిస్తే తాను కూడా కలసి తినేద్దామని ఎదురుచూస్తున్న మరో చిరుతపులి కూడా ఏమీ అర్థం కానట్టు అటూ ఇటూ చూడటం మొదలుపెట్టాయి.

మీ కంటే స్మార్ట్ గా ఉంటారు...
తాజాగా సోషల్ మీడియాలో ఈ వీడియో వైరల్ గా మారింది.  ‘ఎప్పుడూ మీరే కాదు.. మీకంటే స్మార్ట్ గా ఉండేవాళ్లు ఎవరో ఒకరు ఉంటారు..’ అనే క్యాప్షన్ తో ఈ వీడియోను పోస్ట్ చేశారు. ‘ఎక్స్’లో ఈ వీడియోకు రెండు రోజుల్లోనే మూడు లక్షల వరకు వ్యూస్, వేల కొద్దీ లైకులు వచ్చాయి.