కన్నప్ప నుంచి ఇంపార్టెంట్ అప్ డేట్... మోహన్ బాబు పాత్ర పేరు ఇదే!

మంచు విష్ణు డ్రీమ్ ప్రాజెక్ట్ కన్నప్ప నుంచి నేడు ఇంపార్టెంట్ అప్ డేట్ వెలువడింది. ప్రతి సోమవారం ఓ అప్ డేట్ రిలీజ్ చేస్తామని గతంలోనే ప్రకటించిన మంచు విష్ణు... ఈ సోమవారం ఆసక్తికరమైన కబురును అందరితో పంచుకున్నారు. 

ఈ భారీ బడ్జెట్ చిత్రంలో మోహన్ బాబు పాత్ర పేరును అనౌన్స్ చేసి, ఫస్ట్ లుక్ ను విడుదల చేశారు. కన్నప్ప చిత్రంలో మోహన్ బాబు పాత్ర పేరు మహాదేవ శాస్త్రి. తీక్షణంగా చూస్తున్న మోహన్ బాబును ఈ ఫస్ట్ లుక్ లో చూడొచ్చు. అయితే, మోహన్ బాబు ముఖాన్ని పూర్తిగా చూపించలేదు. పూర్తి లుక్ ను నవంబరు 22న రివీల్ చేస్తామని మేకర్స్ వ్రకటించారు.

ఈ సినిమాలో ప్రభాస్, అక్షయ్ కుమార్, మోహన్ లాల్, శరత్ కుమార్ వంటి భారీ తారాగణం నటిస్తుండడంతో అంచనాలు హైరేంజిలో ఉన్నాయి. ముఖేశ్ కుమార్ సింగ్ దర్శకత్వంలో రూపుదిద్దుకుంటున్న ఈ సినిమా డిసెంబరులో ప్రేక్షకుల ముందుకు రానుంది.