పుష్ప-2 ట్రైలర్ రిలీజ్ ఫంక్షన్ కు హాజరైన బీహార్ డిప్యూటీ సీఎం

ఇవాళ సోషల్ మీడియాలో ట్రెండింగ్ అంటే పుష్ప-2 అనే చెప్పాలి. ఈ క్రేజ్ కు కారణం... నేడు బీహార్ రాజధాని పాట్నాలో పుష్ప-2 ది రూల్ ట్రైలర్ రిలీజ్ ఈవెంట్ నిర్వహించడమే. 

ఈ కార్యక్రమానికి హీరో అల్లు అర్జున్, హీరోయిన్ రష్మిక మందన్న, మైత్రీ మూవీ మేకర్స్ అధినేతలు, తదితరులు హాజరయ్యారు. ఇక చీఫ్ గెస్టుగా బీహార్ డిప్యూటీ సీఎం విజయ్ కుమార్ సిన్హా విచ్చేశారు. 

ఈ కార్యక్రమంలో విజయ్ కుమార్ సిన్హా మాట్లాడుతూ, పుష్ప-2 చిత్రం ట్రైలర్ ను తమ గడ్డపై విడుదల చేయడం సంతోషంగా ఉందన్నారు. తమ రాష్ట్రానికి పుష్ప టీమ్ గెస్టులుగా వచ్చారని, అతిథుల పట్ల మా ప్రేమ ఎలా ఉంటుందో చూపించడానికి ఎల్లప్పుడూ ముందుంటామని తెలిపారు. బీహార్ సీఎం నితీశ్ కుమార్ తరఫున ఈ చిత్ర యూనిట్ కు కృతజ్ఞతలు తెలుపుకుంటున్నామని వెల్లడించారు.