పాట్నా చేరుకున్న అల్లు అర్జున్, రష్మిక

ఐకాన్ స్టార్ అల్లు అర్జున్ మాస్ విశ్వరూపం పుష్ప చిత్రంతో అందరూ చూశారు. ఇప్పుడా చిత్రానికి సీక్వెల్ గా వస్తున్న మూవీ పుష్ప-2 ది రూల్. ఈ చిత్రం ట్రైలర్ నేడు బీహార్ రాజధాని పాట్నాలో రిలీజ్ చేస్తున్నారు. 

ఈ భారీ ఈవెంట్ కోసం హీరో అల్లు అర్జున్, హీరోయిన్ రష్మిక మందన్న ప్రత్యేక విమానంలో పాట్నా చేరుకున్నారు. వీరి రాకతో ఎయిర్ పోర్టు వద్ద కోలాహలం నెలకొంది. దీనికి సంబంధించిన వీడియోలు సామాజిక మాధ్యమాల్లో వైరల్ అవుతున్నాయి. 

కాగా, పుష్ప-2 ట్రైలర్ రిలీజ్ ఈవెంట్ కు పాట్నాలోని గాంధీ మైదాన్ వేదికగా నిలుస్తోంది. సరిగ్గా ఈ సాయంత్రం 6.03 గంటలకు ట్రైలర్ రిలీజ్ చేయాలని చిత్రబృందం సంకల్పించింది. ఈ కార్యక్రమంలో తెలుగుతో పాటు తమిళం, మలయాళం, కన్నడ, హిందీ, బెంగాలీ భాషల్లో కూడా ట్రైలర్లు విడుదల చేయనున్నారు. 

అల్లు అర్జున్, సుకుమార్ కాంబోలో రూపుదిద్దుకుంటున్న పుష్ప-2 డిసెంబరు 5న ప్రేక్షకుల ముందుకు వస్తోంది.