'జీ 5' ఫ్లాట్ ఫామ్ పైకి భయపెట్టే హారర్ థ్రిల్లర్!

తమిళంలో ఇంతకుముందు వచ్చిన హారర్ థ్రిల్లర్ సినిమాలలో 'డిమోంటే కాలని'కి ఒక ప్రత్యేకమైన స్థానం ఉంది. అజయ్ జ్ఞానముత్తు దర్శకత్వం వహించిన ఈ సినిమాలో అరుళ్ నిధి కథానాయకుడిగా నటించాడు. తమిళంలో భారీ వసూళ్లు సాధించిన ఈ సినిమాకి సీక్వెల్ గా 'డిమోంటే కాలని 2' రూపొందింది. ఆగస్టు 15వ తేదీన విడుదలైన ఈ సినిమా అక్కడ సక్సెస్ టాక్ తెచ్చుకుంది. 

ఆ సినిమాను తెలుగులో ఆగస్టు 23వ తేదీన విడుదల చేశారు. ఇక్కడి ఆడియన్స్ నుంచి కూడా ఈ సినిమా మంచి రెస్పాన్స్ ను తెచ్చుకుంది. అలాంటి ఈ సినిమా ఇప్పుడు ఓటీటీ ఫ్లాట్ ఫామ్ పైకి రావడానికి సిద్ధమవుతోంది. ఈ సినిమా స్ట్రీమింగ్ హక్కులను 'జీ 5' వారు దక్కించుకున్నారని టాక్. ఈ నెల 20వ తేదీన గానీ .. 27వ తేదీనగాని ఈ సినిమాను స్ట్రీమింగ్ చేయవచ్చని అంటున్నారు. ఈ విషయంలో అధికారిక ప్రకటన రావలసి ఉంది. 
  
డెబ్బీ - సామ్ ఎంతో గాఢంగా ప్రేమించుకుంటారు. అయితే ఒక రోజున సామ్ ఆత్మహత్య చేసుకుంటాడు. ఆ విషయం తెలిసి డెబ్బీ షాక్ అవుతుంది. సామ్ ఎందుకు అలా చేశాడనేది ఆమెకి అర్థం కాదు. అందువలన ఆమె ఆ విషయాన్ని సామ్ ఆత్మ ద్వారానే తెలుసుకోవడానికి ప్రయత్నిస్తుంది. అప్పుడు సామ్ ఆత్మ నుంచి ఆమెకి వచ్చే సమాధానం ఏమిటి? ఆ తరువాత ఆమెకి ఎదురయ్యే పరిస్థితులు ఎలాంటివి? అనేది కథ.