ఇద్ద‌రు భార్య‌లుంటే జాక్‌పాటే.. ఏడాదికి ఖాతాలో రెండు ల‌క్ష‌లు.. కాంగ్రెస్ నేత వివాదాస్ప‌ద వ్యాఖ్య‌లు!

కేంద్ర‌ మాజీ మంత్రి, కాంగ్రెస్ నేత కాంతిలాల్ భూరియా గురువారం ఎన్నిక‌ల ప్ర‌చారంలో వివాదాస్ప‌ద వ్యాఖ్య‌లు చేశారు. మ‌ధ్య‌ప్ర‌దేశ్‌లోని రాట్లం నుంచి లోక్‌స‌భ ఎంపీగా బ‌రిలో ఉన్న ఆయ‌న కాంగ్రెస్ పార్టీ ప్ర‌క‌టించిన మ‌హాల‌క్ష్మి ప‌థ‌కం గురించి మాట్లాడుతూ.. పేద మ‌హిళ‌ల‌కు ప్ర‌తి యేటా ఈ ప‌థ‌కం కింద రూ. 1ల‌క్ష ఇవ్వ‌డం జ‌రుగుతుంది. అదే ఇద్ద‌రు భార్య‌లు ఉన్న వ్య‌క్తికి అయితే ఏడాదికి ఖాతాలో రెండు ల‌క్ష‌లు జ‌మ అవుతాయ‌ని అన్నారు. సైలానాలో గురువారం ఎన్నిక‌ల ప్ర‌చారంలో పాల్గొన్న భూరియా ఇలా వివాదాస్ప‌ద వ్యాఖ్య‌ల‌తో వార్త‌ల్లో నిలిచారు.