కేసీఆర్ బ‌స్సు యాత్ర షెడ్యూల్ ఖ‌రారు
- ఏప్రిల్ 22 నుంచి మే 10వ తేదీ వ‌ర‌కు బ‌స్సు యాత్ర
- త‌మ ప్ర‌భుత్వ హ‌యాంలో చేప‌ట్టిన అభివృద్ధి కార్య‌క్ర‌మాల‌ను ప్ర‌జ‌ల ముందుకు తీసుకెళ్లే యోచ‌న‌లో గులాబీ బాస్
- అలాగే కాంగ్రెస్‌, బీజేపీ వైఫ‌ల్యాల‌ను కూడా ఎత్తిచూపాల‌ని ప్ర‌ణాళిక
బీఆర్ఎస్ అధినేత, మాజీ సీఎం కేసీఆర్ లోక్‌స‌భ ఎన్నిక‌ల నేప‌థ్యంలో రాష్ట్ర వ్యాప్తంగా బ‌స్సుయాత్ర‌కు శ్రీకారం చుట్ట‌బోతున్నారు. ఏప్రిల్ 22వ తేదీ నుంచి మే 10వ తేదీ వ‌ర‌కు తాజాగా ఈ బ‌స్సు యాత్ర షెడ్యూల్ ఖ‌రారైంది. బీఆర్ఎస్ ప్ర‌భుత్వం హ‌యాంలో రాష్ట్రంలో చేప‌ట్టిన అభివృద్ధి కార్య‌క్ర‌మాల‌ను ప్ర‌జ‌ల ముందుకు తీసుకెళ్లే యోచ‌న‌లో గులాబీ బాస్ ఉన్నారు. అలాగే కాంగ్రెస్‌, బీజేపీ వైఫ‌ల్యాల‌ను కూడా ఎత్తిచూప‌నున్నారు. ప్ర‌స్తుతం ఈ యాత్ర‌కు సంబంధించిన ఏర్పాట్లు చురుగ్గా సాగుతున్నాయి. ఇక అసెంబ్లీ ఎన్నిక‌ల్లో ఘోరంగా దెబ్బ‌తిన్న గులాబీ పార్టీకి ఇటీవ‌ల కీల‌క నేత‌లు గుడ్‌బై చెప్ప‌డం కొంత‌మేర నిరాశ‌ను మిగిల్చిందనే చెప్పాలి. అయినా పార్ల‌మెంట్ ఎన్నిక‌ల్లో పుంజుకుంటామ‌ని బీఆర్ఎస్ శ్రేణులు ఆశాభావంతో ఉన్నాయి.