షోయబ్ మాలిక్ నుంచి 'ఖులా' కోరిన సానియా మీర్జా.. అసలు ఈ ‘ఖులా’ అంటే ఏమిటి?
- షోయబ్ మాలిక్ నుంచి సానియా ‘ఖులా’ కోరిందని వెల్లడించిన తండ్రి ఇమ్రాన్ మీర్జా
- ముస్లిం మహిళ తన భర్త నుంచి విడాకులు కోరే ప్రక్రియ ‘ఖులా’
- విడిపోయాక పిల్లల చదువు, ఆర్థిక బాధ్యత తండ్రిదేనని చెబుతున్న ‘ఖులా’
సానియా మీర్జా - షోయబ్ మాలిక్ విడాకులు తీసుకున్నారనే వార్తలు శనివారం ఒక్కసారిగా గుప్పుమన్నాయి. మాలిక్ తన కొత్త భార్య సనా జావేద్‌తో ఉన్న ఫోటోలను సోషల్ మీడియాలో షేర్ చేసి రెండో పెళ్లిని నిర్ధారించాడు. దీంతో షోయబ్ - భారత టెన్నిస్ స్టార్ సానియా మీర్జా మధ్య సఖ్యత లేదని, ఇద్దరూ విడిపోబోతున్నారని గత కొంతకాలంగా జరుగుతున్న ప్రచారం నిజమయ్యింది. షోయబ్ మాలిక్ నుంచి సానియా మీర్జా ‘ఖులా’ ఎంచుకుందని ఆమె తండ్రి ఇమ్రాన్ మీర్జా ధ్రువీకరించారు. ఈ మేరకు శనివారం మీడియాకు వెల్లడించారు. 'ఇది ఒక 'ఖులా'. ఇంతకు మించి చెప్పడానికి ఏమీ లేదు' అని ఇమ్రాన్ మీర్జా అన్నారు. ఇంతకీ ‘ఖులా’ అంటే ఏమిటి?, తలాక్‌కి, దీనికి వ్యత్యాసం ఏంటో గమనిద్దాం.
ఖులా అంటే ఏమిటి?
ఒక ముస్లిం పురుషుడు ‘తలాక్’ ద్వారా ఏవిధంగా ఏకపక్షంగా విడాకులు ఇస్తాడో.. ముస్లిం స్త్రీలకు కూడా ఏకపక్షంగా విడాకులు ఇచ్చే హక్కే ‘ఖులా’. భర్త నుంచి విడాకుల ప్రక్రియను భార్య ప్రారంభించడాన్ని ‘ఖులా’ సూచిస్తుంది. దీని ద్వారా భార్యలు వివాహాన్ని రద్దు చేసుకోవచ్చు. విడిపోయాక పిల్లల చదువులు, ఆర్థికసాయం అందించే బాధ్యత భర్తదేనని ‘ఖులా’ చెబుతుంది. పిల్లలు సాధారణంగా ‘హిజానత్’ వయస్సు వచ్చే వరకు తల్లి వద్దే ఉంటారని ‘ఖులా’ చెబుతోంది. కొడుకుల వయసు ఏడేళ్లు, కూతుళ్లకు యుక్తవయస్సు వచ్చే వరకు తల్లి వద్ద ఉంటారని తెలియజేస్తోంది.
కాగా షోయబ్ మాలిక్, సానియా మీర్జా ఏప్రిల్ 2010లో హైదరాబాద్‌లో వివాహం చేసుకున్నారు. దుబాయ్‌లో నివాసం ఉండేవారు. వీరిద్దరి మధ్య సఖ్యత లేదనే విషయంపై సానియా మీర్జా ఎప్పుడూ నేరుగా మాట్లాడకపోయినప్పటికీ ఆమె సోషల్ మీడియా పోస్ట్‌లు అనుమానం కలిగించే విధంగా ఉండేవి. వారంక్రితం కూడా ఇన్‌స్టాగ్రామ్‌లో ఆమె ఇలాంటి పోస్టే పెట్టారు. "మీ మనస్సు ప్రశాంతకు ఏదైనా భంగం కలిగిస్తుంటే దానిని అలా వదిలిపెట్టండి’’ అని రాసుకొచ్చారు. మరో పోస్టులో "పెళ్లి కష్టం. విడాకులు తీసుకోవడం కష్టం. మీ కష్టాన్ని ఎంపిక చేసుకోండి. స్థూలకాయం కష్టం. ఫిట్‌గా ఉండటం కష్టం. మీ కష్టాన్ని ఎంచుకోండి. అప్పులు ఉండటం కష్టం. ఆర్థికంగా క్రమశిక్షణతో ఉండటం కష్టం. మీ కష్టాన్ని ఎంచుకోండి. మాట్లాడడం కష్టం. మాట్లాడుకోకపోవడం కష్టం. జీవితం ఎప్పుడూ సులభంగా ఉండదు. తెలివిగా కష్టాన్ని ఎంచుకోండి’’ అని రాసుకొచ్చారు.
ఖులా అంటే ఏమిటి?
ఒక ముస్లిం పురుషుడు ‘తలాక్’ ద్వారా ఏవిధంగా ఏకపక్షంగా విడాకులు ఇస్తాడో.. ముస్లిం స్త్రీలకు కూడా ఏకపక్షంగా విడాకులు ఇచ్చే హక్కే ‘ఖులా’. భర్త నుంచి విడాకుల ప్రక్రియను భార్య ప్రారంభించడాన్ని ‘ఖులా’ సూచిస్తుంది. దీని ద్వారా భార్యలు వివాహాన్ని రద్దు చేసుకోవచ్చు. విడిపోయాక పిల్లల చదువులు, ఆర్థికసాయం అందించే బాధ్యత భర్తదేనని ‘ఖులా’ చెబుతుంది. పిల్లలు సాధారణంగా ‘హిజానత్’ వయస్సు వచ్చే వరకు తల్లి వద్దే ఉంటారని ‘ఖులా’ చెబుతోంది. కొడుకుల వయసు ఏడేళ్లు, కూతుళ్లకు యుక్తవయస్సు వచ్చే వరకు తల్లి వద్ద ఉంటారని తెలియజేస్తోంది.
కాగా షోయబ్ మాలిక్, సానియా మీర్జా ఏప్రిల్ 2010లో హైదరాబాద్‌లో వివాహం చేసుకున్నారు. దుబాయ్‌లో నివాసం ఉండేవారు. వీరిద్దరి మధ్య సఖ్యత లేదనే విషయంపై సానియా మీర్జా ఎప్పుడూ నేరుగా మాట్లాడకపోయినప్పటికీ ఆమె సోషల్ మీడియా పోస్ట్‌లు అనుమానం కలిగించే విధంగా ఉండేవి. వారంక్రితం కూడా ఇన్‌స్టాగ్రామ్‌లో ఆమె ఇలాంటి పోస్టే పెట్టారు. "మీ మనస్సు ప్రశాంతకు ఏదైనా భంగం కలిగిస్తుంటే దానిని అలా వదిలిపెట్టండి’’ అని రాసుకొచ్చారు. మరో పోస్టులో "పెళ్లి కష్టం. విడాకులు తీసుకోవడం కష్టం. మీ కష్టాన్ని ఎంపిక చేసుకోండి. స్థూలకాయం కష్టం. ఫిట్‌గా ఉండటం కష్టం. మీ కష్టాన్ని ఎంచుకోండి. అప్పులు ఉండటం కష్టం. ఆర్థికంగా క్రమశిక్షణతో ఉండటం కష్టం. మీ కష్టాన్ని ఎంచుకోండి. మాట్లాడడం కష్టం. మాట్లాడుకోకపోవడం కష్టం. జీవితం ఎప్పుడూ సులభంగా ఉండదు. తెలివిగా కష్టాన్ని ఎంచుకోండి’’ అని రాసుకొచ్చారు.