స్టేడియంలో గొడవ.. మహిళా పోలీసుపై దాడి చేయబోయిన అభిమాని

అహ్మదాబాద్ లోని నరేంద్ర మోదీ స్టేడియంలో భారత్-పాకిస్థాన్ మ్యాచ్ సందర్భంగా ఊహించని ఘటన ఒకటి చోటు చేసుకుంది. ఓ మహిళా పోలీసుకు, ప్రేక్షకుడికి మధ్య వాగ్వాదం చోటు చేసుకుంది. ఓ యువకుడు తన సీటులో కూర్చుని మ్యాచ్ ను వీక్షిస్తున్నాడు. ఆ సమయంలో అటుగా వచ్చిన మహిళా పోలీస్ ఒకరు అతడితో వాదనకు దిగడం కనిపించింది. దీనికి కారణం తెలియరాలేదు. 

యువకుడి మాటలతో ఆగ్రహించిన పోలీసు అతడి చెంప చెళ్లు మనిపించింది. దీంతో ఆ యువకుడు సైతం చేత్తో ఆమెపై దాడి చేయబోయాడు. దీంతో ఆమె అతడిపై మరింత ఆగ్రహం వ్యక్తం చేయడాన్ని వీడియోలో చూడొచ్చు. చుట్టుపక్కల  కూర్చున్న వారు  ఆ యువకుడిని నియంత్రించబోయారు. ఏదో విషయమై యువకుడిని మహిళా పోలీస్ దూషించడం సమస్యకు దారితీసినట్టు తెలుస్తోంది. అయితే, మహిళా పోలీస్ అతడిపై చేయి చేసుకుని ఉండాల్సింది కాదన్న అభిప్రాయాన్ని నెటిజన్లు వ్యక్తం చేస్తున్నారు.