టీమిండియా, ఇంగ్లండ్ వార్మప్ మ్యాచ్ వర్షార్పణం

మరో ఆరు రోజుల్లో ఐసీసీ వరల్డ్ కప్ ప్రారంభం కానున్న నేపథ్యంలో టీమిండియా సన్నద్ధతకు వరుణుడు అడ్డుపడ్డాడు. ఇవాళ ఇంగ్లండ్ తో టీమిండియా ఆడాల్సిన వార్మప్ మ్యాచ్ వర్షార్పణం అయింది. మ్యాచ్ కు ఆతిథ్యమిస్తున్న గువాహటిలో ఎడతెరిపి లేకుండా వర్షం కురుస్తుండడంతో మ్యాచ్ ను రద్దు చేశారు. దాంతో, టీమిండియా, ఇంగ్లండ్ జట్లు ఎలాంటి ప్రాక్టీసు లేకుండానే వెనుదిరిగాయి. ఈ మధ్యాహ్నం టాస్ గెలిచిన టీమిండియా బ్యాటింగ్ ఎంచుకుంది. వర్షం కారణంగా మైదానాన్ని కవర్లతో కప్పివేశారు. ఇక, టీమిండియా తన రెండో వార్మప్ మ్యాచ్ ను అక్టోబరు 3న నెదర్లాండ్స్ తో ఆడనుంది. ఈ మ్యాచ్ కు తిరువనంతపురంలోని గ్రీన్ ఫీల్డ్ స్టేడియం వేదికగా నిలవనుంది.