అక్రమ కేసులు, అరెస్టులకు భయపడే ప్రసక్తే లేదు: బాలకృష్ణ

అక్రమ కేసులు, అరెస్టులకు భయపడే ప్రసక్తే లేదని టీడీపీ ఎమ్మెల్యే, సినీ హీరో నందమూరి బాలకృష్ణ అన్నారు. తమ అధినేత చంద్రబాబు అరెస్ట్ దుర్మార్గమని, ఈ వ్యవహారాన్ని ప్రజాక్షేత్రంలోనే తేల్చుకుంటామని చెప్పారు. ప్రభుత్వంపై పోరాటం ఇంతటితో ఆగేది కాదని అన్నారు. తెలుగుదేశం పార్టీకి ప్రజల నుంచి అనూహ్యమైన స్పందన వస్తోందని... దీన్ని చూసి ఓర్చుకోలేకే అక్రమ కేసులు పెడుతున్నారని మండిపడ్డారు. రాష్ట్ర ప్రజలంతా టీడీపీ వెంటే ఉన్నారని చెప్పారు. ఈ ఎన్నికల్లో వైసీపీకి ప్రజలు బుద్ధి చెపుతారని, టీడీపీ ఘన విజయం సాధించడం ఖాయమని ధీమా వ్యక్తం చేశారు. చంద్రబాబు మరోసారి సీఎం అవుతారని జోస్యం చెప్పారు.