పవన్ కల్యాణ్ తో ఎన్నికలపై చర్చించాను: బ్రిటీష్ డిప్యూటీ హైకమిషనర్

తెలుగు రాష్ట్రాలకు బ్రిటీష్ డిప్యూటీ హైకమిషనర్ గా వ్యవహరిస్తున్న గారెత్ విన్ ఓవెన్ గతరాత్రి  పవన్ కల్యాణ్ ను కలిసిన సంగతి తెలిసిందే. హైదరాబాదులో పవన్ కల్యాణ్ నివాసానికి వెళ్లిన ఆయన కొంతసమయం పాటు సమావేశమయ్యారు. ఈ సమావేశంలో జనసేన పార్టీ రాజకీయ వ్యవహారాల కమిటీ చైర్మన్ నాదెండ్ల మనోహర్, బ్రిటీష్ డిప్యూటీ హైకమిషన్ రాజకీయ ఆర్థిక సలహాదారు నళిని రఘురామన్ కూడా పాల్గొన్నారు. 

ఈ సమావేశంపై గారెత్ విన్ ఓవెన్ ఇవాళ ఎక్స్ లో స్పందించారు. జనసేన పార్టీ అధినేత పవన్ కల్యాణ్ ను కలవడం అద్భుతంగా అనిపించిందని తెలిపారు. భారత్ లో త్వరలో రాబోయే పార్లమెంటు, రాష్ట్రాల అసెంబ్లీ ఎన్నికలపై ఈ సమావేశంలో లోతుగా చర్చించామని ఓవెన్ వెల్లడించారు. అంతేకాదు, ఏపీతో బ్రిటన్ సంబంధాల బలోపేతం చేయడానికి ఉన్న అవకాశాలపైనా చర్చ జరిగిందని వివరించారు.