తలకోన జలపాతంలో ఈతకొడుతూ బండరాళ్ల మధ్య ఇరుక్కుపోయిన యువకుడు

తిరుపతి జిల్లాలోని పర్యాటక ప్రాంతమైన తలకోన జలపాతంలో ఈత కొడుతూ ఓ యువకుడు ప్రమాదవశాత్తు బండరాళ్ల మధ్య ఇరుక్కుపోయాడు. సమాచారం అందుకున్న పోలీసులు ఘటనా స్థలానికి చేరుకుని అతడిని రక్షించే ప్రయత్నం చేసినా వీలుకాకపోవడం, చీకటి పడడంతో సహాయక చర్యలకు ఆటంకం ఏర్పడింది. దీంతో ఈ ఉదయం తీస్తామని చెప్పారు.

రాళ్ల మధ్య ఇరుక్కున్న యువకుడిని కర్ణాటకలోని మంగళూరుకు చెందిన సుమన్ (23)గా గుర్తించారు. విహారయాత్ర కోసం స్నేహితులతో కలిసి వచ్చాడు. నిన్న జలపాతంలోకి దిగి ఈత కొడుతుండగా రాళ్ల మధ్య ఇరుక్కుపోయాడు.