హనుమంతుడి పక్క సీటుకు భారీ ధర అంటూ ప్రచారం .. వివరణ ఇచ్చిన ఆదిపురుష్ టీమ్!

ఆది పురుష్ సినిమా ప్రదర్శితమయ్యే ప్రతి థియేటర్ లో ఆంజనేయుడి కోసం ఓ సీటును ఖాళీగా వదిలి పెట్టనున్నారు. రామాయణ పారాయణం జరిగే ప్రతిచోటుకు హనుమంతుడు వస్తాడనే నమ్మకంతో ప్రతి థియేటర్లో ఓ సీటును ఖాళీగా ఉంచుతున్నారు. ఈ నేపథ్యంలో ఓ ప్రచారం సాగుతోంది. హనుమంతుడికి వదిలే సీటు పక్క సీటును భారీ ధరకు విక్రయిస్తున్నట్లు ప్రచారం సాగుతోంది. 

దీనిపై ఆదిపురుష్ టీమ్ క్లారిటీ ఇచ్చింది. ఇలాంటి తప్పుడు ప్రచారాన్ని నమ్మవద్దని విజ్ఞప్తి చేసింది. ఈ మేరకు ట్వీట్ చేసింది. ఆది పురుష్ టిక్కెట్స్ విషయంలో రకరకాల ప్రచారం సాగుతోందని, ఇందులో భాగంగా హనుమంతుడి పక్క సీటును భారీ ధరకు అమ్ముతున్నారని చెబుతున్నారని, కానీ అలాంటిదేమీ లేదని, అన్ని సీట్లు ఏ ధరకు విక్రయిస్తున్నారో ఆ సీటు కూడా అంతకే విక్రయిస్తున్నట్లు తెలిపింది.