ఆసక్తిని రేకెత్తిస్తున్న 'మామా మశ్చీంద్ర' .. టీజర్ రిలీజ్!

జయాపజయాల సంగతి అటుంచితే, మొదటి నుంచి కూడా సుధీర్ బాబు విభిన్నమైన కథలను .. పాత్రలను ఎంచుకుంటూ వస్తున్నాడు. అలా ఆయన ఎంచుకున్న మరో వైవిధ్యభరితమైన చిత్రంగా 'మామా మశ్చీంద్ర' కనిపిస్తోంది. త్వరలోనే ప్రేక్షకుల ముందుకు రావడానికి ఈ సినిమా ముస్తాబవుతోంది.

"కొంతసేపటి క్రితం ఈ సినిమా నుంచి టీజర్ ను రిలీజ్ చేశారు. ఈ సినిమాలో సుధీర్ బాబు మూడు డిఫరెంట్ రోల్స్ చేశాడు. లావుగా .. సిక్స్ ప్యాక్ తో .. మధ్య వయసులో ఉన్న పాత్రలలో ఆయన కనిపిస్తున్నాడు. ఈ మూడు పాత్రలను కవర్ చేస్తూ కట్ చేసిన టీజర్ ఆకట్టుకుంటోంది. 

 సునీల్ నారంగ్ - పుష్కర్ రామ్మోహన్ నిర్మించిన ఈ సినిమాకి, హర్షవర్ధన్ దర్శకత్వం వహించాడు. చైతన్ భరద్వాజ్ సంగీతాన్ని అందించిన ఈ సినిమాలో, కథానాయికగా మృణాళిని రవి అలరించనుంది. కొంతకాలంగా హిట్ కోసం సుధీర్ బాబు వెయిట్ చేస్తున్నాడు. ఈ సినిమా ఆ ముచ్చట తీరుస్తుందేమో చూడాలి.