ప్రభుత్వ చిన్నమొత్తాల పొదుపు పథకాల్లో పెట్టుబడికి పాన్, ఆధార్ తప్పనిసరి

ప్రభుత్వ చిన్నమొత్తాల పొదుపు పథకాల్లో పెట్టుబడులకు సంబంధించి కేంద్రం తాజాగా కీలక ప్రకటన చేసింది. ఇకపై ఈ పథకాల్లో పెట్టుబడులకు కేవైసీ నిబంధనల కింద పాన్, ఆధార్ కార్డును సమర్పించడం తప్పనిసరి చేసింది. పీపీఎఫ్, సుకన్య సమృద్ధి యోజన, నేషనల్ సేవింగ్స్ స్కీమ్ తదితర పథకాలన్నిటీకీ ఈ నిబంధన వర్తిస్తుందని స్పష్టం చేసింది. 

కొత్తగా ఈ పథకాల్లో చేరే వారు ఆరు నెలల లోపు తమ పాన్, ఆధార్ వివరాలు సమర్పించాలని పేర్కొంది. ఆధార్‌కార్డు కోసం దరఖాస్తు చేసుకుని, కార్డు జారీ కోసం వేచిచూస్తున్న వారు తమ ఆధార్ ఎన్‌రోల్మెంట్ నెంబర్ ఇస్తే సరిపోతుందని పేర్కొంది.