తొలి టీ20లో టీమిండియా లక్ష్యం 177 పరుగులు

టీమిండియాతో తొలి టీ20 మ్యాచ్ లో న్యూజిలాండ్ నిర్ణీత 20 ఓవర్లలో 6 వికెట్లకు 176 పరుగులు చేసింది. రాంచీలో జరుగుతున్న ఈ పోరులో టాస్ గెలిచిన భారత్... న్యూజిలాండ్ కు బ్యాటింగ్ అప్పగించింది. ఆ జట్టులో ఓపెనర్లు ఫిన్ అలెన్ 35, డెవాన్ కాన్వే 52 పరుగులు చేశారు. చివర్లో డారిల్ మిచెల్ 30 బంతుల్లోనే 59 పరుగులు చేసి అజేయంగా నిలిచాడు. మిచెల్ స్కోరులో 3 ఫోర్లు, 5 సిక్సులున్నాయి. 

టీమిండియా బౌలర్లలో వాషింగ్టన్ సుందర్ 2, అర్షదీప్ సింగ్ 1, కుల్దీప్ యాదవ్ 1, శివమ్ మావి 1 వికెట్ తీశారు. ఉమ్రాన్ మాలిక్ ఒక ఓవర్ విసిరి 16 పరుగులు సమర్పించుకోవడంతో అతడికి మళ్లీ బౌలింగ్ ఇవ్వలేదు.