హైదరాబాద్‌లో అర్ధరాత్రి కుమ్మేసిన వాన.. చెరువులను తలపించిన రోడ్లు

తెలంగాణలో రుతుపవనాలు చురుగ్గా కదులుతుండడంతో రాష్ట్రవ్యాప్తంగా విస్తారంగా వర్షాలు కురుస్తున్నాయి. గత అర్ధరాత్రి దాటిన తర్వాత హైదరాబాద్‌లో ఒక్కసారిగా కుండపోత వాన కురిసింది. దీంతో రోడ్లు, లోతట్టు ప్రాంతాలు జలమయమయ్యాయి. విధులు ముగించుకుని ఆ సమయంలో ఇళ్లకు వెళ్తున్నవారు తీవ్ర ఇబ్బందులు ఎదుర్కొన్నారు.

ముఖ్యంగా బంజారాహిల్స్, నాంపల్లి, ఖైరతాబాద్, పాతబస్తీ, కోఠి, అబిడ్స్, మలక్‌పేట, దిల్‌సుఖ్‌నగర్, ముషీరాబాద్, కాప్రా, హిమాయత్‌నగర్ తదితర ప్రాంతాల్లో భారీ వర్షం కురిసింది. కోఠిలో వరద నీటిలో ఓ మోటారు బైక్ కొట్టుకుపోగా, మలక్‌పేట వంతెన దిగువన నడుము లోతులో నీరు చేరడంతో రాకపోకలు స్తంభించాయి. ఎల్బీనగర్ పరిధిలోని చింతల్‌కుంట జాతీయ రహదారిపైనా మోకాళ్ల లోతులో నీరు నిలిచిపోయింది.