ప‌ర్యావ‌ర‌ణ అనుమ‌తుల‌ను ఉల్లంఘించిన హెటిరో... రూ.6.95 కోట్ల జ‌రిమానా విధించిన ఎన్జీటీ

విశాఖ ప‌రిధిలోని హెటిరో సెజ్‌కు భారీ షాక్ త‌గిలింది. సెజ్ ఏర్పాటులో ప‌ర్యావ‌ర‌ణ అనుమ‌తుల‌ను ఉల్లంఘించారంటూ హెటిరోకు జాతీయ హ‌రిత ట్రైబ్యున‌ల్ (ఎన్జీటీ) రూ.6.95 కోట్ల భారీ జ‌రిమానాను విధించింది. ఈ మేర‌కు ఎన్జీటీ బుధ‌వారం కీల‌క ఆదేశాలు జారీ చేసింది. విశాఖ‌లో ఫార్మా సెజ్‌ను ఏర్పాటు చేసిన హెటిరో సంస్థ ప‌ర్యావ‌ర‌ణ అనుమ‌తుల‌ను పాటించ‌లేదంటూ స్థానికులు ఎన్జీటీని ఆశ్ర‌యించారు. 

ఈ ఫిర్యాదును విచార‌ణ‌కు స్వీక‌రించిన ఎన్జీటీ... దీనిపై విచార‌ణ చేయాలంటూ ఓ సంయుక్త క‌మిటీని నియ‌మించింది. సదరు క‌మిటీ స‌మ‌గ్ర విచార‌ణ చేప‌ట్టి... 311 పేజీల నివేదిక‌ను బుధ‌వారం ఎన్జీటీకి అంద‌జేసింది. అంతేకాకుండా ప‌ర్యావ‌ర‌ణ అనుమ‌తుల‌ను ఉల్లంఘించిన హెటిరోకు రూ.6.95 కోట్ల జ‌రిమానాను విధించాల‌ని ఎన్జీటీకి క‌మిటీ సిఫార‌సు చేసింది.